منتدى محبي أهل البيت عليهم السلام - عرض مشاركة واحدة - روايتي بصمة واتمحت من حياتي ♥ : تمت سرقة الحساب وبأكملها فالمنتدى

اوسمتي · 06-22-2019, 07:33 PM

مروة لمحت جود من بعيد : جووووود
>>>>>جود انتبهت لمروة لكن راحت تمشي بعيد بدون ما ترد عليها

..
مروة تركض ركيض لين وصلت لجود يودتها من جتفها
مروة تتقطع انفاسها: ج جو جوود ويينج الله يسامحج ما في مكان ما دورتج فيه وانه مريم
..
جود تباعد يد مروة : ماله داعي تدورون عليي مب ياهله جدامكم
مروة: شهالكلام اللي تقولين بدل ما تعطيني ظهرج كلميني فيس تو فيس
جود تمسح دموعها على سريع : اشله اعطيج؟ ��
مروة تفر جود لها: شفيج؟
جود منزلة راسها : ما فيني شي بس ابا اقعد بروحي
مروة : رفعي راسج اشله منزلتنها. ؟ شسالفتكم اليوم انتين اختفيتين من صوب ومريم اكلمها م ترد شصصاير؟
جود: شدراني عنها ولا اتييبين طاريها
مروة مستغربة : هي هي عيدي عيدي شقلتين؟
جود: اللي سمعتينها >> مشت
مروة:* هيييي شسالفتكم؟
>>>>جود ما ترد
..
مروة محتاره وين تروح؟ تروح ورا جود وتم معاها ولا تروح تدور على مريم تفهم شفيها؟
..

مروة راحت ورا جود لتفهم السالفة : جوووود نطريني
جود: بسرعة مالي خلق اقوم
مروة تركض لها: فهميني شصاير
جود : مب صاير شي بس الحقير يطلع على حقيقته
مروة مستغربة اكثر : حقير؟
جود: مششي الحين بلا كثره كلام..
..

#عند مريم

مريم وهي تركض بعيد ودموعها تتطاير : مستحيل سابع مستحيلات لاااااا

بدر كان طايف لمح اخته تركض لحقها : مريييم مريم مريييم

مريم مصدومة من كثر الصدمة ما سمعت

بدر: مررييم وقفيي شفيييج؟

بدر ركض لما يود يد اخته : مرييم شفيج اكلمج ما ترديين
مريم صارت في نوبة بجي : ما فيني شي
بدر: شلون ما فيج شي وانتين تبجين دموعج اربع اربع تكلمي لا تخوفيني
مريم بصراخ: قلت لك ما فيييني شي!
بدر: الا فيييج تكلمي بسرعة؟ لا اعفس الجامعة الحين فوق وحدر؟
مريم تبجي اكثر >>> ما ترد
بدر : بتتكلمين ولا شلون؟
مريم : لا تجبرني أتكلم ما فيني شي قلت لك ما تفهم عربي
بدر : انا اللي ما افهم عربي؟ �� لا والله عايش في أمريكا من صغري شفهمني عربي
مريم مسحت دموعها ويتها ضحكة: ههههه سخيف
بدر: اي جدي ضحكي مب تصييحين كانج بينوكيو
مريم : جفت شعرك اليابس كأنك شبيهه غصون
بدر: انا اشبه غصون؟
مريم : اي
بدر : سخافتج اقول.. ما قلتين بدرية قلتين غصون الشفيه
مريم تضحك: ههههههههههههههه
بدر: ما بتقولين ليي شفيج اشله كنتين تبجيين
..