منتدى محبي أهل البيت عليهم السلام - عرض مشاركة واحدة

اوسمتي · #1 03-26-2022, 08:45 AM

رجعنا للكتابة بعد ما يأسنا وفقدنا الأمل بالبشر.. الكل لاهي بحياته وبنفسه وويدور مصلحته وين؟ خلاص محد يسمع لأحد
حتى فضفضة صارت جريمة بحق نفسنا
شلون؟ بخبركم شلون
من اتيي تفضفض لأحد من باب الاطمئنان والثقة.. ثانية دقيقة إلا كل الفضفضة تصير بخور؟ ياليت بخور إلا زيادة بهارات وجرعات إضافية.. نشر الفتن وتفرقة.. حقد بغض لأبعد حد..
محد يتمنى لك الخير.. من جدامك شيء عسل �� ومن وراك طعن طعن للموت!!
على قولتهم قتلوا قتيل ومشوا في جنازته
للأسف هالشيء واقعي..كرهنا نتكلم ولا نفضفض على قوله القايل الكتاب خير رفيق.. تقرأ كتب بعيد عن ضجيج البشر ولا تيود القلم وتبدأ تكتب تسرد قصص وحكايات ولا خواطر تلامس مشاعر، غيرك
نفس اللي صادني تقريباً.. كثره الصفعات والخذلان صرت أكره أتكلم لكل يفسر كلامي ونيتي على كيفه.. وياليت جذي بس صارو زيادين فتن ومشاكل! نفاق نفسهم نفس حلاوة على اللسان ما يهمهم حرام ولا حلال أهم شيء يشبعون ذاتهم.. الحمدلله رغم الحجي اللي ينقال من ورا ظهرنا إلا يزيدنا قوة و زيادة الثقة
هم رفعونا فوق فوق( اي فوق السحاب حتى)... يتمنون يوصلون ل ربع اللي وصلنا إليه
على قولتهم اللي يتكلم على غيره لأنه ناقص ويدور نقصه في غيره
يشغل عمره بالكلام وتارك روحه للتهلك