منتدى محبي أهل البيت عليهم السلام - عرض مشاركة واحدة

اوسمتي · 09-10-2017, 06:19 PM

تشابكت الافكار !
بين بعضها البعض
غموض ؟
لا حد له ؟
من يكون ؟!!
متى سيظهر ويكشف عن الغطاء "المجهول"
تمر ساعات!
كانها سنوات !
..
بعد تلاشي الظلام رويدا رويدا
ينبعث النور بإرجاء

..

راحت ماريا لصديقتها المقربة يارا

#بيت يارا

تدق الباب

تطلع لها يارا
..

يارا : هلا مريوو

ماريا: هلا فيج

يارا: اشله واقفة دشي

ماريا : لا لا برزي روحج خلنا نروح البحر

يارا: اوكيي عطيني ثواني اببدل واييج

ماريا : اوكيه عيني لا تطولين

يارا: تمامووو م بطول
..

بعد لحظات ..

يارا بيخوف ماريا : بووو انه ييت

ماريا : تركي حركاتج البايخة خلنا نمشي

يارا بضحكة: ههههههه لا تعصبين يله مشينا

#موقع_الحدث " البحر "

بعد الانتظار طويل !
كانت هناك مفأجاة لم تكن على الحسبان ابدا

صندوق أسود بكتابة عريضة اسم ماريا
فوق حبات الرمال

الصندوق الاسود بغلاف بشريط أحمر وفوقه ورود الجوري

..

ماريا : مب مصدقة عيوني ؟ بوكس اسود مكتوب عليه اسمي ..

يارا تطالعها : هيي شفيج تبربرين بروحج ؟

ماريا: مالت عليج ! جوفي جدامج بتعرفين شقاعدة ابربر

يارا : هههههه اوك وين اجوف

ماريا : مناك

يارا باستهبال : وين مناك ؟

ماريا : مناك حولة ؟

يارا: تصدقين عاد اي يبي ليي نظارة حق اجوف زين تسلفيني فلوس هههههه

ماريا: سخافتج مو وقت طناز كلش

يارا:هههههههه اوك اوك اعصابج هدي هدي لا تحترقين بعدين ادق على مطافي اييون يطفونج

ماريا : ما برد عليج يالسخيفة خلنا نروح نجوف البوكس

يارا بتحية عسكرية: حاضضر سيدي

ماريا بضحكة: هههههه للامام سر

يارا : واحد ثاني واحد ثاني

..

واقفين يم البوكس

يارا: واوو مريوو عندج معجبين من ورانا

ماريا : سخافتج شهل هراار

يارا: هرار في عيونج هههههههه كل هل حركات ورومنسية تقولين هرار من صدقج يا معوذة خفي عليينا يالثقيلةة

ماريا : مب رادة عليج تدورين ربع شكلج

يارا: اي حدي .. المهم فتحيه خلنا نجوف شنو داخله

ماريا : اوك !

فتحت ماريا البوكس

يارا : ياللهوووي شنهوو هذا

ماريا : مدري ؟؟

يارا: فتحي الظرف بسرععةة !

ماريا بخوف : انجبي لا تجوفيني بكبري خايفة

يارا: يجبج يالهبلة جي بيطلع لج وزعة بتطفر في ويهج

ماريا : مالت علييج

يارا تسحب الظرف منها : عطييني اياه اججوف

ماريا : صج دفشه حدددج

ماريا تفتش بالبوكس

يارا : مريوو!! ما اصدق اللي اجوفه

ماريا بخوف : شنوووو !!!

يارا : يا الله !!

ماريا : عطييني اججوف تخوفيني ليش يا نحيسة

ماريا تسحب اللي بيد يارا

يارا: من صورج هالصور كلها

ماريا قلبها يدق بسرعة : مدري

يارا: جوفي شنو اللي بصندوق بعد

ماريا ترجف : اوكك

..

يارا : ججوفي مريووو هاي رسايل ؟

ماريا : عطيني اجوف !

عطتها !

ماريا: يؤؤؤؤؤ !! هاي الرسايل اللي كنت اكتبها !!

يارا: لا يككون ؟

ماريا بنظره خوف ؟

ماريا: الظاهررر اي

يارا: المجهول اللي يقرا اللي تكتبينه ؟؟

ماريا : مدري كلشي يجوز !

يارا: مريوو جوفيي !

ماريا : شنهو؟

يارا : اكو في ظرف

ماريا شالت الظرف : تتوقعين شنو بداخلها

يارا: مدري فتحيه خلنا نجوف

ماريا : اوكيي

فتحته الظرف

ماريا : رسالة !

يارا: قريها شنو تحارسين

ماريا : نزيين

$ : ماريا تقرا الرسالة المجهول

#رسالتي لج يا ماريا
كلماتج ما راحت هدر ! معناها محفوظ بالصون
جفت ديك الطفلة اللي تكتب اللي بقلبها كانت محتاجة للحب ومحبة صح انه احتفظت باللي كتبتينه في كل مرة
لاول مره جفتج فيها والدمعة نازلة على خدج
والرسايل اللي ترمين فالبحر ومتاملة انها توصل او احد يقراها
كنت اراقبج من بعيد
بصدفة ياني فضول اعرف بعد ما تروحين حبيت اعرف شنو داخلها
لكوني إنسان فضولي
بعدها تميت اقرا رسايل في كل مرة وانطرج ترمينها وتروحين
لايي اخذها ..
تعجبت في اخر رسالة
كانت كلماتها موجهه ليي انا بالذات
انصدمت وتملكتني الدهشة
استغربت شلون عرفتين ؟
بس ما اتعجب من القدر فيه الف صدفة تصير وتستوي
مثل ما ذكرتين باخر رسالة
كلشي بوقته حلو
هاي رسايلج اللي كتبتينها من سنوات اللي طافت
جوفي الحين وين كنتين وين صرتين
ماريا الضعيفة عاجزة صارت قوية ! ذات الارادة
قوتج مكنونة بداخلج بس حاولي تستغلينها صح
ماريا ! اللي كانت وحيدة من صغرها
قدرت تصنع لنفسها محل في قلوب الناس
نشرت محبتها في كل مكان !
طالعي حولج زين بتلقين ناس تعزج وتحبج !
لا تحزنين على ما فات ومات
لا تعدمين على كل شي
كل شي بهالحياة مكتوب
قسمة ونصيب
والارزاق !
انكتبت لنا قبل م نخلق بهالحياة
مراد الايام الياية راح تجمعنا
بتعرفين من هذا الانسان المجهول !

دمتي بخير ماريا

..

يارا تعلق : امره عجيب هل الانسان
ماريا في حالة سكون وصمت طوويل

# رجعت كل وحده بيتهم

#يا ترى شنو تحمل الايام الياية لماريا

admin معجب بهذا