#نرجع لمحور الحديث "واتس اي whatsApp"

جراح تملل من كثر ما نطر وطرش ترك فون
راح ينظف سيارته

جراح: ويينج ؟؟ يه وين راحت هاي ؟
جراح: شكلج بزي يله ما راح ازعجج اكثر سي يوو بروح انظف سيارتي لين جفتين المحادثة دقي عليا

..

ماريا: اوفف افتكيت من حنه يارا اوهه نسيت داك بعد خلنا اروح اجوفه بعد

دشت على الواتساب " جافت المكتوب "

ماريا تسوي عقبره بره : من صجه هاي .. الحين وهقني زود ادق ما ادق .. ماريا فكري بتتصلين او لا اوففف امري لله وبتصل

..

#مكالمة ورادة "من ماريا"
ترن ترنن
..

#
جراح:الو
ماريا : هلا
جراح: اهلين صرتين فاضية الحين ؟
ماريا : سوري كانت معاي رفيجتي وجي ما قدرت ارد
جراح: اوكيهه عيل خذي راحتج يبه
ماريا : لا اوك مب مشغولة واسفة مره ثانية ما كنت احقر او شي بس اتضطريت
جراح: لا عادي شدعوة هههه اشله تتاسفين حصل خير يبه طمنيني شلونج شخبارج عساج بخير
ماريا: الحمدلله وانت شلونك
جراح: بخير الحمدلله الله يسلمج
ماريا: اي شتسوي ؟
جراح: هههههه ابد ادلع حبيبتي
ماريا بدهشة: حبيبتك؟
جراح بضحكة :هههههههههه لا يروح تفكيرج بعيد وجي
ماريا: لا والله ما راح بعيد ولا هم يحزنون الله يخليها لك
جراح:هههههههههه اي والله صدقتين الله يخليها ملعنون خيرها للحين صمود الحمدلله
ماريا: ملعون ؟ اشله تسبها وتعاملها جدي
جراح: والله ؟ ههههههه
ماريا: شلون قلبك يطاوعك وين انسانيتك ؟ ضميرك ميت
جراح فاطس ضحك:هههههههههههههههه شدخل الانسانية الحيين
ماريا: ما توقعت منك ابد
جراح: يله خذ دي بعد ههههه اوك يا مجلس الحقوق
ماريا: تتمسخر ؟ الدنيا دوارة يوم لك ويوم عليك
جراح: الا حديده هي
ماريا: يا الله !!! سويتها حديده ما تسوى شي عندك وهي حبيبتك
جراح: ههههههه اي له هي مصنوعة من حديد عيل بلاستك؟
ماريا: لا حول ولا قوة الا بالله
جراح: شفيج يا منقذة البشرية ترى اقصد سيارتي حبيبتي
ماريا : سيارتك؟
جراح:هههههه شعبالج ؟
ماريا بصمت
جراح: شفيج سكتين من مساعة اكلمج ع سيارتي كنت ادلعها نظفتها وجي
ماريا منحرجة: اسفة فكرت ....
جراح: لا عادي خذي راحتج ههههه ضحكتيني الحين انه م فيني انسانية ها
ماريا تتكلم متقطع: ف فكرت !!!
جراح: مب مهم لا تهتمين
ماريا بصمت
جراح: شفيج ساكتة
ماريا: لا ماكو شي
جراح:اوك كلميني عن نفسج اكثر
ماريا: عن نفسي
جراح: هههههههه عيل عن من ؟ الجني مثلا
ماريا: انسانة بسيطة
جراح: يا حلوج تختصرين الكلام
ماريا: اي قول هيك
جراح: اوك يا ام هيك كملي ؟ ابا اعرفج اكثر
ماريا: عنيدة
جراح: م اظن العناد من صوبج
ماريا: شلون ؟
جراح : دام قلبج عود م اتوقع عنيدة ولا هم يحزنون
ماريا: المظاهر يخدع
جراح: بس داخل العين م تخدع
ماريا : -
جراح: انه عيل بكلمج عن نفسج شرايج
ماريا : -
جراح: ماريا اللي عرفتها بواسطة كتاباتها انسانة بسيطة وحلوة قلبها طيب وكبير تحب الخير لكل الناس .. ما تحب تجوف احد زعلان او متضايج
ما تشيل بقلبها على احد.. متواضعة .. تسعدها بابسط الاشياء
ماريا: يمكن العكس ؟
جراح: لا ماريا .. الكتابات اغلبها تعبر عن انفسنا تعبر عن اشياء احنا مب قادريين نبوح فيها عرفتي شلون
ماريا : كلشي جايز
جراح: مو جايز الا اكيد ونص
ماريا: شكلك وايد واثق بنفسك
جراح: اكيد الثقة مهمة اساسا .. اللي فاقد ثقته بنفسه انسان ضعيف
ماريا: صح كلامك
جراح: ما خبرتيني
ماريا: عن شنو اخبرك ؟
جراح: تدرسين ؟ تشتغلين ؟ شنو تسوين في يومج خبريني
ماريا: اي ادرس باقي عليي سنه واكمل .. مثل كل يوم تقربيا كعاده ماكو شي يديد ومثير للاهتمام
جراح: الله يوفقج ويجبر بخاطرج ان شاء الله
ماريا: ان شاء الله
جراح : ههههه دام ماكو سوالف وجي عيل بسالج شرايج
ماريا: اوك عيل سال ويش ورانا
جراح: شنو لونج مفضل
ماريا: الاسود
جراح: هههههه ماشاءالله سريعة بالرد .. اوك شنو تكرهين
ماريا: ولاشي
جراح: يه كلش ؟
ماريا: الحمدلله كلش
جراح: الظاهر محبتج ههههه زيادة تكفي وتوفي
ماريا: اوك
جراح: شفيج زعلتين
ماريا: لا م زعلت
جراح: اتغشمر تررى
ماريا: هههههههه شفيك بتصيح
جراح: لا شكو اصيح جي ياهل بس ما احب احد يشيل بقلبه عليا فاهمة شلون
ماريا:اوك انه وايد تعبت برقد الحين
جراح: ديايه ترقدين من وقت
ماريا: هههههه مو ناقصة الا تسالني متى ابيض
جراح: يله بسالج ويش ورايي متى بتبيضين جم يوم تبيضين
..
*جراح+ماريا .. فاطسين ضحك لحد ما دمعت عينهم

ماريا: بس بس مب قادره بطني يالمني
جراح بضحك:ههههههههههه تبين جرعة بندول
ماريا: هههههه خلها لك بتحتاجها اكيد بعدين
جراح: هههههه جايز يبه
ماريا غمضت عينها ورقدت
جراح: الووو وينج
*لا يوجد رد
جراح بداخله: شكلها نامت نوم العوافي ان شاء الله تلقى احلام سعيدة ويكون واقعها اسعد

اخبرُوا تلكَ الجمِّيلہ بِانہُا ؛ نَبضيّ