منتدى محبي أهل البيت عليهم السلام - عرض مشاركة واحدة - قصائد مكتوبة

اوسمتي · 12-26-2013, 07:19 PM

كلمات قصيدة ختام الزنجيل
اداء الرادود حسين الحلواجي

حسين - حسين حسين حسين
-----
من على التل واعتنت لحسينها
حايرة وتهمل مدامع عينها
جثِّتَك يابن أمي صاحت وينها
شافته ولن جثته موذرينها
-----
حسين حسين حسين - حسين حسين حسين
-----
شافته وگعدت تون يم الجسد
تگله سولفلي الگلب مني انمرد
جروحك منين آنه اجيب إلها الضمد
اشما اجيت احصيها ضيعت العدد
-----
حسين حسين حسين - حسين حسين حسين
-----
تگله أحلفك بأمي وبداحي الباب
خويه فك عيونك وردلي الجواب
______==_====== التراب
شلون حاله حسين يسمع هالعتاب
-----
حسين حسين حسين - حسين حسين حسين
-----
رد عليها جواب گوّه سمعته
وخاطر حسين بحچيها كسرته
تريد تسمع منه شنهي رادته
بالعليل وباليتامه وصيّته
-----
حسين حسين حسين - حسين حسين حسين
-----
تبچي ضلت والدمع بعيونها
والشمر جاها وتغير لونها
خله سوطه يلتوي اعله متونها
يريد عن جسم الأخو يبعدونها
-----
حسين حسين حسين - حسين حسين حسين
-----
ردت الخيمة وأخوها اعله الثرى
واعتناله الشمر يگطع منحره
هوى فوگه بسيفه گام ايطبّره
وفصل راس حسين ضنوة حيدره
-----
حسين حسين حسين - حسين حسين حسين
-----
شال راسه وضجت أملاك السمه
عالرمح والنحر يتگاطر دمه
امن المصيبه الدنيه صارت مظلمه
آه ياغربة وديعة فاطمه
-----
حسين حسين حسين - حسين حسين حسين
-----
آه منچ كربله ياكربله
زينب الچانت عزيزة مدلله
تگطع اعله الهزّل دروب الفله
مچتفه وياها العليل وعايله
-----
حسين حسين حسين - حسين حسين حسين