منتدى محبي أهل البيت عليهم السلام - عرض مشاركة واحدة

اوسمتي · 03-08-2022, 10:52 AM

روح و خواطر

وين أروح لغير بابك وين أروح.. ياللي حبك بلسم لكل الجروح..
أنثر رموشي على أعتاب الشرف يمك اجيت
يا الحسن و لساني صرح و اعترف بيك التجيت
وين أروح لغير بابك وين أروح.. ياللي حبك بلسم لكل الجروح..
حبك يالحسن أحياني ...

حبك أحياني بشعوري شلون محيه.. عقلي من جن بجلالك زاد وعيه
يالـ وجودك عجزت تنافيه خفية.. عميا عين الـ ما يشوفك و الله عميا
كلمن الـ بابك سعى ما خاب سعيه.. بيك يضمن آخرة و يضمنها دنيا
ما يخيب الـ يمتلك مثلك حبيب.. يالـ ـجروحي تغازلك أروع طبيب
حبتك روحي بجسم روح الـ هتف بيها احديت..
يا الحسن و لساني صرح و اعترف بيك التجيت
وين أروح لغير بابك وين أروح.. ياللي حبك بلسم لكل الجروح..

ملجأي و رادوا أعوفه شلون أكابر.. و آنا عمري ما كنت عنك أغادر
بحبك أمضي لو زرع دربك خناجر.. أمشي جسمي و أوصلك روح و خواطر
لا أحد يلوم الذي بحبك يساهر.. على أعتابك ينثر رموش النواظر
يا سهر ليل الـ تواصل بالنهار .. ليك احن و من حنيني عليك أغار
حقي من كثر المحبة لو ذرف دمعي و بكيت..
يا الحسن و لساني صرح و اعترف بيك التجيت
وين أروح لغير بابك وين أروح.. ياللي حبك بلسم لكل الجروح..

مثل أوراق الشجر عشت بربيعك.. و على كل قطرة ندى أشكر صنيعك
العمر أبيعه و عمري ما أفكر أبيعك.. عبدك آنا بأمرك و نهيك أطيعك
لو تفتش قلبي يا مهجة وديعك.. تلقى شخصك ساكنه و قلبي بقيعك
جذب عن قلبي أحستك بعيد.. و أنت أقرب ليه من حبل الوريد
هاذي كل نبضاتي سابيها الشرف وآنا انسبيت..
يا الحسن و لساني صرح و اعترف بيك التجيت
وين أروح لغير بابك وين أروح.. ياللي حبك بلسم لكل الجروح..

انت من كنز الجلالة مبني صرحك.. انت كاف و نون أمره الرب يمنحك
بالكرم واضح بعد و شلون أوضحك.. أخاف أحجي بكلمة و لساني يجرحك
بالسحب لو ردت أشبهك ما أمدحك.. هي تعطي تبجي و انت تعطي تضحك
يا كريم و حبك أعظم كل عطاء.. ما أبدله حتى بنجوم السماء
سيدي و بكل ثمن غالي انعرف لا ما ارتضيت..
يا الحسن و لساني صرح و اعترف بيك التجيت
وين أروح لغير بابك وين أروح.. ياللي حبك بلسم لكل الجروح

۝۝۝۝۝۝

● ● ●