مندي في الفرن..😍😍
.
أول شي نملح دجاجة كاملة ( دجاجتي وزنها كيلو) .. أملحها أول عشان أقدّر نظريًا أي كثر تحتاج ملح
.
عقب نتبلها بزيت زيتون وبهارات خفيفة ( كركم، شوية فلفل أسود، شوية ثوم، كمون ملعقة صغيرة بزار بحريني و تقدرون تحطون فاهيتا .. وأهم شي تحطون ملون طعام أحمر هو اللي يعطي الرز اللون المميز ولا تكثرون بهارات)
.
نمردغهم ونشيلهم ع صوب
.
في قدر أو قالب ( قالبي من إيكيا) أحط بهارات صحيحة عود دارسين و ورق غار وفلفل أسود ومسمار وأهم شي في المندي هو حب السنّوت أو الكمووون
.
و نصب ماء مغلي ( مقياسنا كوب ونص ماي لكل كوب رز .. يعني ٤ أكواب ونص ماء لـ٣ أكواب رز)
.
وأنزل ٣ أكواب رز مغسول ومنقوع ومصفى
.
و أحط الملح ( ملعقة ممسوحة لكل كوبين يعني المجموع ملعقة ونص )
.
و البهارات قليلة ( ماجي، ملعقة كمون، رشة فلفل أسود بسس)
.
وأحركهم بالملعقة
.
واحط فوقهم الشبك ( يجي مع القالب) و فوقه الدجاج وأسكره بورق زبده وألمنيوم
.
و أدخله فرن مسخن مسبقًا على حرارة ٢٠٠ من ساعة إلى ساعة وربع يمكن ياخذ أكثر حسب القالب وكمية الرز .. أني أخذ عندي ساعة بالضبط
.
و بخرته بفحمه مع قطعة زبدة لمدة ٥ دقايق
.
وقدمته مع البطاطس المتبله والمقلية في الايرفراير وبالعافية😍