لطمية راح اعترف ملا باسم الكربلائي محرم ١٤٤٣ مكتوبة

١٤٤٣ , ملا , محرم , لطمية , مكتوبة , الكربلائي , اعترف , باسم , راح

لطمية راح اعترف ملا باسم الكربلائي محرم ١٤٤٣ مكتوبة

📜قصيدة : راح أعترف
✒️للشاعر : ناظم الحاشي
📀 : اصدار 1443
🎵 طور : #عالنار_اسولف #هالليلة_اودعج #ياقابض_الروح


رَاح اعترف للناس عن حبي
ولاسم الحبيب الينبض بقلبي
خليتة كل عمري طير ابقفص صدري
▪️▪️▪️▪️▪️
يَم ساحِل الحُب رسَت مَرساتي
نَورَس وَاْدَوٌر عَن بداياتي
آن الأوان أبدي اعترافاتي
عَن بَوصَلة قلبي و مَساراتي
لا مو بَشَر حبّيتة من ذاتي
كَوْكَب نزَل مِن رَب سَماواتي
أربَع حُروف بكِثُر ما أحِبها
يمسحها دَمعي وَ أرجَع أكتِبها
عاشِقها مِن صغري طير بْقَفَص صَدري
راح اعترف للناس عن حبي
▪️▪️▪️▪️▪️
مِن أبدي باِسمه حروف سالفتي
تِتزّحَم نجوم السِما بشِفتي
مامَر خَريف بشَجَر عاطِفتي
لو حُبّه غادَر زَمَن ذاكِرتي
يكفيني ما شالَت ذَنِب ذِمتي
لَمّن تٌرٌبته لامِسَت قصتي
مِثْله و كَيومَه ماشِفِت مِثله
للقبلة قبلة اختارته القِبلة
عالِم بِما يَجري طير بقفَص صَدري
راح اعترف للناس عن حبي
▪️▪️▪️▪️▪️
بحروفه أرَدّد طِفِل خَلاّني
جَن عيسئ دار لسانه بِلساني
كِل الخَلايا المِلَت شِرياني
تُرفُض فَصيلَةْ دَم عِشِق ثاني
طير أبتِعِد و بصحنه تِلقاني
جَن قلبي صار بريش جِنحاني
اليدْخِل ضَريحه يشعٌر بنَفسه
مِتغَطّي وَيّه أهَل الكَسَا الخَمسة
في لَيلَة القَدرِ طير بقفص صدري
راح اعترف للناس عن حبي
▪️▪️▪️▪️▪️
اسمَه الحُسين الروحي عاشقته
ومْطَفّي ناري بماي عاطِفته
و اسمه الحٌسين أوّل حِزن عِشته
و بقلبي ناصب عَمَد فاتِحته
و اسمه الحٌسين الأبد ما عِفته
و حَبّته و آني بعمري ما شِفته
من عيني لاجله مو دَمِع نازِل !
ماي نزَل مِن جِربَة الكافل
بِاسمه انشغَل فِكري طير بقَفَص صَدري
راح اعترف للناس عن حبي
▪️▪️▪️▪️▪️
طير النِبوّة الرَبّته الزهرا
و خَلاّه علي بحٌرمَة قَفَص صَدره
لوقَبَّلت خاشِع ذهب قبره
كِل قَصدي أبوس حسين من نَحره
عاشوره ظل كِل جيل ينتظره
من تطفئ جمرة تشتعل جمرة
قٌرآنه ظل آيات مهجورة
لو ما تِلِزمه جفوف مبتورة
رَب العَرِش يدري طير بقفص صدري
راح اعترف للناس عن حبي
▪️▪️▪️▪️▪️
ما عِندي قُدرة تِكْتِم آلامي
و أتخيله يذبحونه جِدّامي
وَ أصْبِر مُحال و جِثة إمامي
أحمَر صُبغها مَنحره الدامي
وَ اتْمَنّئ موتي يصير بِصيامي
حتئ أفتِهِمها موتَةْ الظامي
أتمنئ أموتَن كون ألِف موتة
و لا اسِمْعه بالطف مختنق صوته
و مخضّب بنحري طير بقفص صَدري
راح اعترف للناس عن حبي

#اللهم_عجل_لوليك_الفرج

المصدر: منتدى محبي أهل البيت عليهم السلام - من قسم: قصائد مكتوبة

---

g'ldm vhp hujvt lgh fhsl hg;vfghzd lpvl ١٤٤٣ l;j,fm