قصيدة اذا ما جاوبك نحري | باسم الكربلائي | ليلة ٢ محرم ١٤٤٣ | مجالس العزاء | مكتوبة

١٤٤٣ , ٢ , ما , ليلة , مجالس , محرم , مكتوبة , العزاء , الكربلائي , اذا , باسم , جاوبك , ندري , قصيدة

قصيدة اذا ما جاوبك نحري | باسم الكربلائي | ليلة ٢ محرم ١٤٤٣ | مجالس العزاء | مكتوبة

📜قصيدة : اذا ما جاوبك نحري
✒️للشاعر : حمزة السماوي
📅: ليلة 2 محرم 1443 هـ
🕌: هيئة جواد الأئمة ع موكب شهداء الحشد الشعبي


(إن كان لم يجبك بدني عند استغاثتك ولساني عند استنصارك، فقد أجابك قلبي وسمعي وبصري)

اذا ما جاوبك نحري
اجابك حزني من زغري
ربيت اوياك .. نسيت انساك
⬛️◾️⬛️◾️⬛️
يعبرة كُلَ مؤمن من يمر اسمك
إنه الما عندي حظ وما جنت يمك
اذا ما جاوبت يوم الوكع جسمك
جاوبتك نعي واسمع ونين امك
اذا مو وكتي وسنيني
حضرت بسمعي وبعيني
واكول اهناك .. نسيت انساك
⬛️◾️⬛️◾️⬛️
سمعتك تركض اعله الاكبر وحاير
وسمعت بحالك اعله اوليدك شصاير
اذا ما جاوبت ذاك الوكت ، باجر
اجاوب بالمشي وبركضة العاشر
افطّر بالضمه اشفافي
وجوابي ادري مو كافي
عمر يفداك .. نسيت انساك
⬛️◾️⬛️◾️⬛️
شهر عاشور يخلص وآنه ما نايم
حرام النوم هاي الفتره عالخادم
وجوابي من سمعتك تبجي عالقاسم
بعزه الزنجيل صينية شمع لازم
حزن ما اله اول وتالي
صحيح ابن الاخو غالي
حجه وناداك .. نسيت انساك
⬛️◾️⬛️◾️⬛️
شجاوب من صحت وينك يبو فاضل؟
شجاوب عالشريعه ظهرك المايل؟
لون شرعاً يجوز ، بليلة الكافل
اگطع اجفوفي للعباس يستاهل
اذا ما شايف و سامع
اطيّن وجهي بالسابع
ردت مرضاك .. نسيت انساك
⬛️◾️⬛️◾️⬛️
ما جاوبتك بيوم اطلعت وحدك
بيوم الجان بي حتى الهوه ضدك
اجاوب من اجي لزيارتك عندك
الطم خدي بس ما يوصل لخدك
شكثر اتمنه باحلامي
اشربك ما تضل ظامي
حلم لقياك .. نسيت انساك
⬛️◾️⬛️◾️⬛️
افكر بالجواب واعجز واتعب
شجاوب صدرك وبالخيل تتكلب
تون ما بيك حيل تكوم وامترب
شجاوب غيرتك من سلبّو زينب
تمنيت اختي مسبيه
ولا محتاره علويه
السبي آذاك .. نسيت انساك
⬛️◾️⬛️◾️⬛️
شما اختم كلامي اوياك اريد ابدي
وجوابي يصير كله بطلعة المهدي
انه وامي وابوي واخوتي وولدي
فدوه انروحلك يا اغله ما عندي
شنو تؤمرني؟ بالخدمه
وتضل انته ولي النعمه
ابو الافلاك .. نسيت انساك
⬛️◾️⬛️◾️⬛️
#اللهم_عجل_لوليك_الفرج

المصدر: منتدى محبي أهل البيت عليهم السلام - من قسم: قصائد مكتوبة

---

rwd]m h`h lh [h,f; kpvd | fhsl hg;vfghzd gdgm ٢ lpvl ١٤٤٣ l[hgs hgu.hx l;j,fm k]vd