قصيدة يبو سيف النار | باسم الكربلائي | ليلة ٤ محرم ١٤٤٣ | مجالس العزاء | مكتوبة

١٤٤٣ , ٤ , ليلة , مجالس , محرم , مكتوبة , العزاء , النار , الكربلائي , باسم , يبن , سيف , قصيدة

قصيدة يبو سيف النار | باسم الكربلائي | ليلة ٤ محرم ١٤٤٣ | مجالس العزاء | مكتوبة

📜قصيدة : يبو سيف النار
✒️للشاعر : السيد عبد الخالق المحنه
📅: ليلة 4 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية


يبو سيف النار
يبو راس الحار
تره زينب هاي .. يوليدي
📌📌📌📌📌
وصية أمك يبو فاضل
قبل لا گول تفهمها
ييمه إيد زينب هاي
أريدك دوم تلزمها
إهي أمك وهي إختك
واريدنك حرس يمها
اوريد الخوه عالشاطي
يضي عيناي تختمها
اذا تزعل يوم
أنا أزعل دوم
وفه حگ إرباي .. يوليدي
📌📌📌📌📌
إهيه الربتك يبني
تعبت سهرت إليالي
تگلها يمه يحبيبه
وهي إتگلك يكفالي
مثل هالخوه ما موجود
عجيبه أو تبقه للتالي
اذا حال العقيله إبخير
آني إبخير أحوالي
تره تسوه إرگاب
ولي بيها إحساب
عله هذا الراي .. يوليدي
📌📌📌📌📌
أريد إتحطها بعيونك
ييمه أو تحرص إعليها
تره حته الهوه يبني ‏
أريده مايمر بيها
إذاجفينك إيطيحن
تطيح انت و تعليها
يكلمة عذرا و آسف
أبد ماريد تحجيها
اذا يومك حان
بلي ظل عطشان
ولا تشرب ماي .. يوليدي
📌📌📌📌📌
يعباس العلي شنگول
ظل زينب اذا ينشاف
لازم ماتشوفه الناس
والأجله زلم تنعاف
اذا بتارك إبيمناك ‏
عله زينب ولا ينخاف
واذا صارت حرب إزعل
واريد القتله بالآلاف
إذا تشهر سيف
بده كيف الكيف
تره انت اهواي .. يوليدي
📌📌📌📌📌
ييمه إبليلة العاشر
يجيك الشمر ينگط سم
وينك يبن اختنه إيصيح
تعال اوياي ماتندم
گله ام البنين إتگول
أطلبهم سياط أو دم
گلهم ما إلي اوياهم
لا اخوه ولا بن عم
أنا ابوي احسين
أنا أهلي احسين
جره وي إدماي .. يوليدي
📌📌📌📌📌
يعباس اني ماوصيك
انت الفاهم العالم
تره بس نظره من احسين
تسوه الدنيه والوادم
تروحوله سبع فدوات
بس خلي يرد سالم
ييمه اليرضه عنه احسين
يعيش إيموت مو نادم
منو رد معروف
منو ينطي إجفوف
اذا مو شراي .. يوليدي
📌📌📌📌📌
خذت زينب أمانه أوياك
شرط بيدك ترجعها
يبو النوماس إبجي اعيون
اذا نزلت مدامعها
كأن المشرعه خيبر
وانت إبجف علي إقلعها
أريد إتصيح أنا العباس
منا كون أسمعها
كفو من عباس
كفو رفعة راس
كفو يالرواي .. يوليدي
📌📌📌📌📌
اذا زينب تريد الماي
جيبلها نهر تشرب
وذا يگرب عليها الجيش
إگطع منحر اليگرب
يبمه الماي يطفي النار
إعطش وزعل أو إلهب
راويهم منو العباس
من يتراعد أو يغضب
أنا ماوصيك
ولا اشكن بيك
عله ضي عيناي .. يوليدي
📌📌📌📌📌
#اللهم_عجل_لوليك_الفرج

المصدر: منتدى محبي أهل البيت عليهم السلام - من قسم: قصائد مكتوبة

---

rwd]m df, sdt hgkhv | fhsl hg;vfghzd gdgm ٤ lpvl ١٤٤٣ l[hgs hgu.hx l;j,fm dfk