قصيدة يا والدي وينك يضي عيني | باسم الكربلائي | ليلة ٣ محرم ١٤٤٣ | مجالس العزاء | مكتوبة

١٤٤٣ , ٣ , ليلة , مجالس , محرم , مكتوبة , العزاء , الكربلائي , باسم , يا , يضي , عيني , والحج , وينك , قصيدة

قصيدة يا والدي وينك يضي عيني | باسم الكربلائي | ليلة ٣ محرم ١٤٤٣ | مجالس العزاء | مكتوبة

📜قصيدة : يا والدي وينك يضي عيني
✒️للشاعر : عمار هليل الواسطي
📅: ليلة 3 محرم 1443 هـ
🕌: هيئة جواد الأئمة ع موكب شهداء الحشد الشعبي واسط العزيزية


يا والدي... وينك يضي عيني
يا والدي... مشـتــاگه تدريني
🔶🔷🔷🔷🔶
آنه العليله فاطـمــه يا والدي الغالي
طالت عليّه غيبتك وانگطعت آمالي
كلش بعيده كربله وبطيوفي ترحالي
أتمنّى أشوفك بالحلم وتشاهد الحالي
يا والدي ... بطيوفي حاچيني
يا والدي... مشـتــاگه تدريني
🔶🔷🔷🔷🔶
حالي مثل حال الشمع يا بويه يتوصّف
نار الوداع بمهجتــي ودموعي ما تنشف
ما سافرت ويّا الضعن والدهـر ما أنصف
ريت الگلب نسمة هوه وتوصل لأرض الطف
يا والدي ... ما بيــنـك وبيني
يا والدي... مشـتــاگه تدريني
🔶🔷🔷🔷🔶
غامرنـي إحـسـاس اليـتـم وآنـه بزغر سنّي
ماظــن هواجــس والگلــب بظنونـــه تعّبني
شحچيلك وفوگ المرض شفتك رحت منّي
لا جرحي يـبــره ولا أظن يخـلــص بعد ونّي
يا والدي... معـقــوله ناسيني
يا والدي... مشـتــاگه تدريني
🔶🔷🔷🔷🔶
عـشـت الليالي بـغـيـبـتك حسره بأثر حسره
يالســاكــن بگلبــي تــعــب گلبي ونفذ صبره
متعوده أشوفك كل وكت هسه أحلم بنظره
مل الصـبـر ضـاع العــمـر تـدري الهجر وامره
يا والدي... والهــجــر ياذيني
يا والدي... مشـتــاگه تدريني
🔶🔷🔷🔷🔶
كل اشتياقي الشوفتك والشـوفــت إخواني
دوّرني بــويه ابصَفْـنـتك مـتــأكده تـلـگانــي
ما أنـصــف اويـاي الزمـن مـحـتــاره خــلّاني
إرجــعــلــي ما أگــدر بـعــد أتّـحــمّـل أحزاني
يا والدي ... أنذرلك اسنيني
يا والدي... مشـتــاگه تدريني
🔶🔷🔷🔷🔶
مـحـتـاره وجــروح الگلـب أحسبـهـه ليليـّه
أظلم نهاري من رحـــت كلـشــي فگــد ضيّه
وآنه بصغر سني وگــمــت من أمشي مَحنِيّه
وينـــــك سؤالــي بكل وكت كل حيل ما بيّه
يا والدي... ثق دمعي يچويني
يا والدي... مشـتــاگه تدريني
🔶🔷🔷🔷🔶
من المديـنـه الكـربـلـه بـگـد هالـدرب عندي
حسره وعذاب وفاجـعـــه وأتحـمّـل الوحدي
ما تنتهي ظـنــون الهـجــر من تـنـتــهي تبدي
مهمومه وشگــد كابــــرت بس دمعتي بخدّي
يا والدي ... إلمن تخليني
يا والدي... مشـتــاگه تدريني
🔶🔷🔷🔷🔶
ابوذيات عدلهم ، وجراه ، يصحون
للشاعر ناظم الحاشي


الدَهَر خِلّان عن عيني عزَلهُم
غابو لَچن بعيوني عزَلهٌم
أنَه الموتاي ماناصِب عَزَلهُم
لَچَن ماتَم عَزاك إنُّصَب بيه
🔶🔷🔷🔷🔶
حِزنك شَعَل گلبي إبنار وَجراه
إوفِتَح سيل الدمع يحسين وجراه
جَزاء اليخدِم إبمَجلِسَك وَجراه
جَزاء الناصَرَك بالغاضريه
🔶🔷🔷🔷🔶
خِدّامَك على الزوّار يَصحون
صُبّن كرَم لهل الكَرَم يصحون
النامو بالتَعَب لحسين يصحون
عَلى آذان الشفاعه الفاطميه
🔶🔷🔷🔷🔶
#اللهم_عجل_لوليك_الفرج

المصدر: منتدى محبي أهل البيت عليهم السلام - من قسم: قصائد مكتوبة

---

rwd]m dh ,hg]d ,dk; dqd udkd | fhsl hg;vfghzd gdgm ٣ lpvl ١٤٤٣ l[hgs hgu.hx l;j,fm ,hgp[