اروع لطمية لعبد الله الرضيع للرادود سيد حيدر الكيشوان

اوسمتي · #1 06-17-2013, 11:18 AM

للرادود , لعبد , لطمية , لطمية عن عبدالله الرضيع , الله , الرضيع , الكيشوان , اروع , اروع لطمية عبدالله الرضيع , حيدر , سيد حيدر الكيشكوان

اروع لطمية لعبد الله الرضيع للرادود سيد حيدر الكيشوان

.حصرياً بصوت خادم أهل البيت الرادود المبدع السيد حيدر الكيشوان .. وكلمات الشاعر السيد زكي الياسري النجفي التوزيع و الهندسة الصوتيه للمبدع السيد عقيل الميالي في ستوديوهات الانوار الفاطمية في النجف الاشرف

القصيدة مكتوبة:في موقع الشاعر

https://sites.google.com/site/zekialy...

ظنيتك ذكرى من حسين .... يا عبد الله
و فاركَتك بدموع العيـــن .... يا عبد الله
ضاعن تالي ...... كل آمالي ...... يبني الغالي
يا عبد الله
1
يعبد الله يسلوة شوكَــــي للملكَــه
ينسمة ود عِشَـكَهه حضنيِّ الدافي
يوليدي ابوجودك غابَـت الحـِــركَه
يبسمة فرحة جانت تِعتلي إشفـافي
حِسَبت إحساب لتضن يَبني للفركَه
أمل تِكبَر حِلم وسـط الحشــا غافي
مهدك شاهِد عالآمــــــــآل .... يا عبد الله
ياما سافر بيهِ البَــــــــــال .... يا عبد الله
شكَد هزيتك ...... شكَد ناغيتك ...... تِكبر ريتك
يا عبد الله
2
أمل كل عمري يبني جنت اشوفَـنّـك
وذكرى امن الحبيب الآخِــر اسنيني
و لا فد يــــوم دلاّلي شِـبــَــع مِنـّــك
بليالي الشوكَـ اناغيـك و تِنــــاغينـي
وكَلبي ينقبض لو أبتعِــد عَـنـّــــــــك
طبيب الروح انتَ الـّـــــي تِـداوينـي
ساكن بأعماق الوجــدان .... يا عبد الله
ترويلي اكَليبي العطشان .... يا عبد الله
روحي احتارت .. دنيه ودارت.. ويلي وجارت
يا عبد الله
3
ألم يوليدي من أذكــر عطــش جبدك
ابحَر صيف الطفـــوف اشلون احملنه
ودمعي الي ترك خدي و حِضَن خَدّك
وسف ما سَد عطش روحـك يالمجنــه
خذاني شلون سهم المــــوت من عندك
يردني الموت الك يوليـــــــدي اْريدنه
شِلـّي ابهالروح ابلياك ........ يا عبد الله
يا ريت ايدفنوني وياك ........ يا عبد الله
سهم الجاني ..... ريته جاني ..... وكَص شرياني
يا عبد الله
4
وطن أحزان روحي صارت ابموتك
بي ساكن عذابي و همّــي و آهـاتي
بيه اسمع ييمه ابكل وكـــت صوتــك
لحن يعزف نغم ضيمـــي و عذابـاتي
و انادي بعالي صوتي مروتك مروتك
تعال و عود اليه وشِــد جراحـــــــاتي
دلاّلي الفكَدك مفطــــور ....... يا عبد الله
و الروح ابعالم مهجور ........ يا عبد الله
بيني وبينك ... عيني وعينك ... ويني او وينك
يا عبد الله
5
أخاف الليل انامه و ما غمـض جفني
لأن كل مَرّه للطف ترجـع أحـــلامي
و أشوفك منذبح يا هَـلـــــولد يبنـــي
و افز مرعوبه و اذكر نحرك الدامي
و اضل أنحب ييمه و الظهــر محني
و صور عاشور كلهه اتصير كَِدّامي
يمك تاخذني الاحلام ........... يا عبد الله
ما نامَن ليلي ما نام ........... يا عبــد الله
و بآهآتي ...... و بحسراتي ...... تــل مأسآتي
يا عبد الله

المصدر: منتدى محبي أهل البيت عليهم السلام - من قسم: منتدى الصوتيات والمرئيات الإسلامية

hv,u g'ldm guf] hggi hgvqdu ggvh],] sd] pd]v hg;da,hk g'ldm uk uf]hggi hgvqdu hv,u g'ldm uf]hggi hgvqdu sd] pd]v hg;da;,hk

06-17-2013, 10:43 PM

قــــصـــيدة رائـــــــــعة

يعطيك العافية

admin معجب بهذا

اوسمتي · 03-06-2018, 08:52 AM

الله يعطيك العافيه

المواضيع المتشابهه للموضوع : اروع لطمية لعبد الله الرضيع للرادود سيد حيدر الكيشوان
الموضوع	كاتب الموضوع	المنتدى	مشاركات	آخر مشاركة
حصريا نغمات بنت حيدر للرادود علي حمادي مأتم بن سلوم 1434هـ	admin	الهاتف الحسيني	5	03-06-2018 10:21 AM
لطمية جديدة بعنوان رحلت من أداء الرادود سيد حيدر الموسوي 2014م	admin	منتدى الصوتيات والمرئيات الإسلامية	3	03-06-2018 09:44 AM
إصدار اعتذار للرادود حيدر البياتي 2013م	admin	منتدى الصوتيات والمرئيات الإسلامية	2	03-05-2018 01:35 PM
فيديو لطمية ( ربتني امي ) للرادود حسين السيسي	admin	منتدى الصوتيات والمرئيات الإسلامية	1	03-05-2018 08:22 AM
قصيدة ثار الله \|\| الرادود حيدر طرادة \|\| صفر 1435هـ	admin	منتدى الصوتيات والمرئيات الإسلامية	1	03-02-2018 09:42 AM

الذين يشاهدون محتوى الموضوع الآن : 1 ( الأعضاء 0 والزوار 1)