.. му υηινєяѕιту ℓιƒє

هالزمن
باعماقه كومة مفاجاءت
فيه عجايب الدنيا
مثلا الحين
الجذب يا الله شاقولكم
الجذب مثل لعبة الناس صارت محترفة فيها
لدرجة خلاص ما تعرف تميز بين الصادق والجذاب
الحين الصادق محد يصدقه
والجذاب العكس هيبة هيبة محد قده

لا حول ولا قوة الا بالله
مثل ما ينقال
الجذب حبله قصير
والصدق وسيلة للنجاة
هاي قانوني ما راح يتغير
مهما اتغيرت النفوس ورغبت بالفساد

قبل كنا نخاف نجذب لانه كنا ندري ان الله خالقنا بيغضب علينا
بس الحين الناس ما تهمها احد

يمكن صدقو لما قالو جيل الطيبين راحو
قبل كنا نستانس على ابسط الأشياء حتى لو كانت ثمنها قليل
كانت فرحتنا ما توصف لابعد حدود
الحين لا والله الحين لا يععجبهم عجب ولا صيام رجب
الحين الياهل يتامر يبي ايباد يبي أشياء اكبر من طفولته
كانه طفل اكتروني
ياخيي وين البراءة وين الطفولة
لا والله راحو راحو
الحين جيل ايبااد


الحين الياهل بدل ما يعلمونه اهله القران يشجعونه على الأغاني
يله خذ

سالفة الطبخ
سمعت الحين مطابخ ما في
ههههههه الحين مطاعم بابا انت نفر وين قاعد
قاعد فوق راسك الله يسلمك

الحين الزمن تبدل تغير

معلينا منهم خلني اكلمكم عن احلامي البسيط
من صغري وانه احلم باحلامي ودي احققها
باذن الله راح احققها
ودي افرح كل يتيم واييب لهم كل شي يبغونه العاب
اخلي قلبهم الصغير يفرح حتى لو باشياء بسيطة
لو حصلت ملايين تدرون شنو بسوي فيها
انوي اسوي مساجد
ما اخلي أي فقير محتاج ولا يذل عمره للناس
ما اخلي ولا احد ينام جوعان
ودي أكون صديقة لكل
لكوني اجتماعية
أي احد عنده مشاكل اساعده فيها
اسمع لكل أي احد وده يفضفض محتاج احد يسمعله انه بسمعه
ودي أكون ذكرى حلوة لكل من يعرفني
قبل ما ارحل عن محطة الحياة ما اقدر ارجع لها
وايد في داخلي أشياء واحلام ودي احققها
يا رب قدرني على ذلك