كـٌاٌبـوًسَ !!! </3

: محد عارف يأدبك غير هالصبي =:d
عرف شلون يقصف جبهتك ويسكتتك على الأخير
برافو عليه الصراحة تستاهل اللي صادك الحين عشان مرة ثانية تتادب وتعقل بسك هالحركات وتحتقر غيرك تعبت وانا اعلمك وافهمك ما في فايدة ما ينفع وياك شيء بس زين سوا فيك

الموظف بداخله نيران تشتغل : -

: بعدين أقول لك منهو هالصبي؟

الموظف : يا طويل العمر هذا متقدم على وظيفة عندنا

: والله زين شكله كفو عطني ملفك اجوف

الموظف بحرقه قلب : تفضل يا طويل العمر

: هههه لا شكله صج أدبك عدل جوف ماشاءالله شلون خلاك

الموظف شابه النار بقلبه والقهر يتعال في ويهه : يا طويل العمر هالاشكال مب مكانها هني هذه شركة معروفة ومحترمة وين نستقبل هالاصناف من الناس بالشركة

: بعدين أنا اللي يقرر! لا تنسى انا راعي هالشركة.. وعلى اي أساسا تحكم أن ما ينقبل جوف ماشاءالله عليه ماخذ أمتياز ماجستير ويبين عليه كفو.. ولا تنسى أنك مشتغل بواسطة لا شهاده عندك ولا هم يحزنون وتتكلم عن هالناس اللي كافحت على عمرها وتعبتت؟ تقارنها بنفسك انت وين وهم وين بعدين عدل كلامك لا اييك كف يعدلك فاهم شكله الطيب والكلمة الطيبة ما تنفع معاك شنو تقول هالاشكال هالاصناف وين قاعدين احنا؟

الموظف والقهر ماكل قلبه : أعتذر يا طويل العمر

صاحب الشركة : بعدين ما سألت عمرك اشله هالصبي كلمك بهاللهجة؟ اكيد قايل له شي كعاداتك ولا مب من هني ومن درب بيي يكلمك بهالطريقة مب صح؟

الموظف : لا والله يا طويل العمر كل الموضوع صارحته ( ريحته ريحه) فوق هذا كله ياي الشركة بهالمنظر

صاحب الشركة : لو بنتكلم عن الريحة اوهووو ما بنخلص كافي ناس اعرفهم ريحه بوزهم ما تنحمل واكا ساكتين ونكين لهم الإحترام والتقدير! وبعدين المفروض تحترمه رغم كل شيء ياي بهالمنظر ولا لا وانت أساسا مب يالس معاه ولا عايش عشان تعرف يمكن صاده ظرف يا سبحان الله بس يعني حكمت عليه بالإعدام بدون ما تسمع وانا واثق انك ما عطيته مجال يتكلم ولا يبرر كعاداتك تتسرع وتحكم انا خبازنك واعرفك زين تعلمني فيك.. تدري انك تمثل الشركة وسمعتها فوق هاي كله تجاهلته وقليت أدبك مع الصبي.. جم مره قلت لك لما تسيء لأحد بهالطريقة تسيء لشركة ولسمعتها لمتى يعني بفهمك؟ انا كلمتك فوق مليون مرة عدل أسلوبك والفاظك هاي اخر إنذار لك مب كل مرة هاي سالفتي اعيد وازيد بنفس الحجي لو مب ابوك الله يطول بعمره ويخليه جان ما توظفت هني لو مب ابوك يا عقل القوطي ما كنت هني اساسا ولا باي مكان غير لو مب هو ما جفتني وظفتك هني ومن اللي بيتحملك ويتحمل تصرفاتك الصبيانية؟ جان طردك من أول يوم
من بيتحمل طوالة لسانك دي

الموظف ومنزل رأسه : اعتذر يا طويل العمر ما راح يتكرر

صاحب الشركة : سمعت هالحجي وايد ومليت منه بس قرقر قرقر ابغي فعل مب حجي هرار وتمشي العزا


>>>>> بعطيكم نبذة بسيطة سريعة عن هالموظف ( اللي قصفو جبهته الحين)

أسمه خليل هو ولد صديق صاحب الشركة
بسبب طلب أبو خليل تم تعيينه بالشركة موظف رغم ما يستاهل بسبب تصرفاته الغبية

خليل معروف أنه شخص متكبر ومغرور
الغرور راكبنه من فوق لتحت ودايما يحتقر غيره ويفكر عمره فوق فوق العالي العال على كل الناس
يكره كل شخص ما يدش مزاجه أو ما يعجبه
ويعامله اخس المعاملات وباحتقار تام
عمره 28 سنة

متوسط الطول متين البدنية
ملامحه حاده ما تدلي على خير دايما العكس
غير بشوش
كل الناس تنفر منه وتتباعد


..

نرجع لمحور حديثنا

خليل : ان شاء الله ما راح تتكرر طال عمرك

صاحب الشركة : سمعت هالجملة من قبل.. الحين اقولها في ويهك اخر مره اخرة سمعت شقلت اخــر مـــرة!
ان شاء الله اجوف تطور رغم ما اظن فالمشمشش بس فالح يا خليل تقرقر على ماميش وخرطي كلامي عقب ما تمشي فالهوا بيتبخر ونرجع الـ نعيد من الصفر وياك وعود جذابة

>>>>خليل منقهر ومنبطة جبده.. بالع الموس وساكت وهالمرة بعد هالكلام اللي صار وانقال أعتبر بطلنا ( جراح) أكبر اعدائه " عدوه اللدود"
يحس إنه حصل إهانات وكلام سم يسم البدن كله من ورا جراح هو السبب كرهه وصار عدو إليه من اليوم ورايح

الله يستر من الياي

(خلنا منه طايح الندبة دب باندا وخلني أعرفكم على صاحب أفخم وأكبر شركات المعروفة بالبلد وغير الأملاك اللي يمتلكها من عقارات وأراضي وبيوت الخ..)

صاحب الشركة :
عمر
معروف بطيبته وأخلاقه.. طيب لأبعد حد أنسان حنون ولكل يحبه ويحترمه.. متفاهم
محب للخير والعطاء كريم كريم
بشوش وصاحب الابتسامة الساحرة
ابتسامته ما تفارق ويهه رغم الصعوبات والضغوطات اللي اتصيده من الحياة إلا إنه دايماً متفائل وصابر بوجه الصعاب
عمره تقربيا ما يقارب 49 سنة
ضخم البدنية وشعره احتله الشيب الابيض
لحية بيضاء متوسطة الطول
يمتلك عيون خضراء نفس عيون بطلنا ( جراح)


عمر : روح لشغلك يله
خليل : حاضر طال عمرك استأذن
عمر: اي لا انسى قبل لا تروح دق على هالصبي اللي اسمه جراح وعيينه عندنا بالشركة موظف رسمي ما يحتاج فتره تجريبيه

خليل الشرارة تتطاير من عيونه : ان شاء الله على عمرك
عمر: يله روح
خليل وهو يقابل شغله : هاي الناقص هالخمه يتوظف عندنا هالحشره يشتغل هنييي! والله ماني مصدق اخر زمن والله لكن انا اروايه النذل بعلمه من يكون خليل بصير اخس من ظله كابوس كابوس إليه يا انا يا هو ويا هالراس راس بينوكيو

..